Friday, April 27, 2007

علموني أفتل طموحي

في جلسه أخري علي النيل و في تحدي جديد مع صديقي هشام و رشدي .... في محاوله أخري عقيمه لكل منا لأثبات حموريه الأخر في كتابه الشعر ...أتفقنا علي كتابه أغنيه بهذا المطلع (علموني أقتل طموحي) .... أنجز كل منا أغنيته في نص ساعه مثلا أو أقل .... و لأسباب فنيه ... أحمم .....لم يتم معرفه الفائز

بالمناسبه .. أنا اللي أقترح مطلع الأغنيه

علموني أقتل طموحي
وكل حلم أمل في صوتي
علموني أعشق جروحي
و هم مولود من سكوتي
حتي عشقي يا حبيبتي
حتي فرحه جوا حيرتي
علميني أقتلها فيا
و أكفنها مع تابوتي

علموني أعيش و أناضل
منغير حاجه تسر
أستكفي من آهاتي
و أنتشي بحب المر
و أبقي واحد من عبيد
متسلسلين بالحديد
و أن نصحني حد فيكم
يبقي يقولي أنت حر

القاهره
26/4/2007


Labels: