Thursday, February 14, 2008

عن نجيب سرور

نجيب سرور و سبب قوي جدا للوش اللي في دماغي

خد عندك مثلا


دارت الجوزة دورة
ثم دورة
قال واحد:
ما تقولولنا يا مسلمين
هيّه برضو الجنة فيهاكهربة؟
وان ما كانش قولولنا بتنوّر بإيه
ولا تطلع هيّ رخره مهببّة!
...
(إن يكن كل كلام
بتعابير العوام
لكم… أو بعضكم غير مريح
فخذوه بالفصيح
"يا عباد الله قولوا..
هل ترى.. ثمة في الجنة أيضا كهرباء،
أو فقولوا كيف بالله تضاء
أم عساها هي أيضا مظلمة؟"
فرق ما بين السما والأرض بين الاثنتين..
مش كده؟)

من مسرحيه ( منين أجيب ناس).

أزاي الراجل ده كان كده ..... نفس الجمله بنفس المعني و فرق اللغه ذي ما قال فرق ما بين السما و الأرض

سكتت حتى مسحت دمعا

كان ينام على التفاح
سألت فى صوت الكروان :
- ماذا تلهمك الدقات ؟
قلت وفى عينى طموح للأقمار :
- العالم فوق الشعراء
فليعل الشعر إلى العالم
أو فلنصمت !

من قصيده الشعر و العالم .... التراجيديا الأنسانيه

Labels:

Monday, February 11, 2008

لحين ميسره

العمر كله نومه
و نفسي تقوملي قومه
و بوعدك يا دنيا
بحته دين عزومه
لو مره تضحكيلنا
لو ضحكه صغيره
من أغنيه حين ميسره

Labels:

Friday, February 08, 2008

ايه ده؟؟؟؟؟


قالك ملك "الزواحف الأفريقيه"

Labels:

Tuesday, February 05, 2008

سافرناش؟؟؟؟

أنا مش طالب كتير و لا باحور في حوارات فاكسانه .... بس الحوار و ما فيه أني قرفت و زهقت و جبت أخري خلاص ... عادي .. بتحصل كتييييييييييييييييييييير قوي و بالذات معايا أنا الكائن الزهقان بالفطره

انا عايز أسافر .... و الله نفسي أسافر في اي داهيه , أي مصيبه يكون فيها بحر و مش هتبطر علي جمصه و لا علي مصيف بالطيم إنشاله حتي أنزل أسكندريه ساعه أشرب إزازه ببس من الكشك اللي قدام المكتبه و يرجعوني بيتنا

الموضوع مش كبير ولا نيله ولا محتاج فلسفه و تحليل و هئ و مئ .... لأ خالص ... أنا شاب صايع زهقان و عايز أتنيل علي أي هبابه فيها بحر .... مش صعبه يعني؟؟؟؟

مفيش مشكله .... صح؟؟؟.

لأ طبعا فيه مشكله , و مشكله بنت ستين في سبعين كمان ... أنا مش لاقي حد يسافر معايا , الشباب كلها مفخده ولا الوليه الحامل
اللي يقولي اصل الشغل مش نافع و اللي يقولي عيان و اللي يقولي مش فاضي و اللي يقولي رموشي بتنأح عليا و اللي لون مؤخرته أتغير و كلام فعلا يشل

الترب دلوقتي أني لازم أسافر , و أكيد مش هتنيل اسافر لوحدي فرجاء إلي ذوي القلوب الرحيمه اللي رايحين أي داهيه فيها بحر , ينوبكوا ثواب .... خدوني معاكوا

Labels:

Friday, February 01, 2008

نفض التراب

نفضت التراب اللي علي البلوج و( أستفتحنا) بالسنه الجديده بقي ... أنا آخر مره كنت هنا من نوفمبر اللي فات - و مش عارف ليه حاسس أني مش هعمر كتير هنا- وقت كتير قوي فعلا و تقريبا ده أكتر وقت من 5 سنين ماكتبش فيه حاجه جديده .... منا برضه يعني أعمل أيه مفيش وقت و مفيش نفس و مفيش افكار و مفيش جديد خاااااااااااااااااااااااااااالص ..... الكليه مطلعه عيني و الفيلم اللي المفروض أني بكتبه دلوقتي مضيع وقتي برضه دا غير طبعا ألبوم(صباحه) اللي مش بفكر غير فيه.دا غير الملل المسيطر علي (سكاديوال) اليوم و أمبارح و بكره و بعده و بعده و بعده ........ الخ

كل الحاجات دي كفيله بأكتآب ظريف يكفي لمرمطه معنوياتي .

بس أرجع و أقول خلاص الحاله أتعدلت و بقت مانجه و الله و الصراحه يعني أنا أكتابت كتير و بقي الموضوع ممل...... ممل لدرجه تدعو للاكتآب ( أدور في حلقه مفرغه.... أكتآب من الملل و ملل م الأكتآب يدعو للاكتآب)


عملت أغنيه في ( صباحه) بس الحمد لله معجبتش حد و أضطريت أني أغيرها و أعمل غيرها و بصراحه أنا مكتم حبه علي حوار (صباحه)
بس مفيش مانع أكتب الأغنيه المنكوبه .... ملهاش لازمه عندي

و للعلم يعني ..... الأغنيه بتتكلم عن واحد (مصطبح) أو (متكيف) شارب حاجه يعني



يا هل تري
ماذا جري
مالي أري؟
الدنيا حته سكره
و الليلة حلوه منوره
من بعد قعده مشبره

مسلطنا مبهججا
و ماشيا مطوح
و حاسسا بفرحتي
كعيل ممرجح

يا أهلنا ....
يا من عصور ذواهب
من منكم كان في الغرزه راهب
يطير دوما فوق كل سحائب
مقدار ميل أو لبعد كوكب

مكيفا قديما للجدود راغب
قول طظ للهموم و كل يأس
إذ رب البيت بالدفوف ضارب
فشيمه أهل البيت الرقص

Labels: