هي شغلانه بقي!!!!!؟؟؟؟؟

رحت الكليه أربع مرات عشان شوف نتايج الشباب المهندسين البهايم (أصحابي و لا فخر)... و الحمد لله يعني أن العبد لله ظهرت نتيجته في أول ليا زياره للكليه ... يعني أول مره أروح الكليه عشان أشوف النتيحه لقيتها فعلا طلعت و الحمد لله كنت من ال196 شخص اللي ربنا كرمهم و سقطوا

الترب بقي في الليله دي يا معلم أن كل الدفعه عرفت النتايج و كل الناس بعد كده حفظت نتيجتي الباهره.... و في كل مره أروح الكليه ألاقي اللي سقط زيي أول ما يشوفني يفتح الحنفيه و يعيط و اللي يقطع القلب بقي اللي ييجي يحضني و يعيط و يشكيلي و الدموع في عنيه هيقول لأهله أزاي الخبر العظيم ده؟؟؟ و الصراحه يعني أن أنا
معملتش نص الكلام ده .... و متصدمتش ... زعلت طبعا علي السنه بس الحمد لله يعني .... بس ده مش معناه أن بقيه الكليه تشيلني همها...ولا أنا معنديش دم يعني
ما هو أنا لامؤاخذه برضه مش الراجل اللي بيطير اللي لابس أزرق و عبايه حمره و بيحل كل المشاكل .... مش شغلانه بقي يا محترم