ثوره غضب

(أنتوا بتصطعبتوا يا جدعان ..... ) مكنش ممكن حد فينا يتكلم معاه في حالته دي
ثوره غصب .... عصبيه زايده .... سب و لعن لكل اللي قاعدين ... ليهم ذنب في حاجه أو ملهمش أتهزقوا.... مش لازم أحكي الموضوع كله يعني..... بس الخلاصه هي أن الموضوع كان أتفه ما يمكن..... هوا قاعد علي القهوه بقالوا ساعه لوحده و متتعكنن مننا.... بس الصراحه كان في ظروف... يعني أنا و جعفر كنا في كورس و هشام بيعزي و رشدي بيذاكر و كده يعني ....
ساب القهوه و مشي ..... مشيت وراه أندهه....أنت ياله ...أستني
نفضلي و مشي أكني حيوان سلامندر واقف.... أمشي دلوقتي يا مودي

... أمشي فين ؟؟؟؟.... أنا مش ماشي الا لما أعرف في أيه.... أكيد حوار أبوك تاني....
مرضش عليا..... ( يبقي الشغل يا شقيق...)برضه مرضش..... (أمال أيه يا زفت؟؟؟ أمال لو كنت مصاحب يا سي بتاع أنت)
(هوا انت كل حاجه كده تقلبها تهريج) .... أتعصب عليا آخر حاجه ....( متعرفوش تتكلموا جد شويه .. جتكم الأرف....و سايبني قاعد في القهوه لوحدي و أنا تعبان)
(مالك ياد ؟؟؟؟ في ايه؟؟؟؟)...
(تعبان ..... تعبان قوي)
و راح رامي دماغه عليا و راح معيط بحرقه