كلمتين

الشاعر اياه مش ناوي يبطل الأغاني الساذجه اللي بيكتبها و بيتحفني بيها .... نفسي مره يعمل حاجه محترمه أتفشخر بيها عل عيال أصحابي و أسمعهم الحاجه منغير لا تريقه ولا قله قيمه و مرمطه للكرامه الغاليه .... المهم يعني انه المرادي بدأ يعدل نفسه و يكتب حاجه ظريفه-نسبيا-
بعد الهرتله اللي ظهرت في قصيدته العظيمه (هاو هاو) اللي فيها الجمله الخالده

بوسيني خلي الدنيا بمبي مألمه
دا حبك في قلبي جامد قوي يا معلمه

واضح طبعا كميه المعاناه النفسيه اللي سببتها هذه الجمله من تهزيق و شتيمه و قله أدب من الشعب

القصيده بأختصار يعني ظريفه ... هتسليك ... أنا أوعد بكده ... بس مأدرش أوعد بأكتر من كده

بالمناسبه أسمها كلمتين ... و العنوان لا يمت بصله أطلاقا للقصيده
يهني لو حبيت تركز فين الكلمتين ... مش هتلاقيهم ... لأن اللي كتبها أصلا مش لاقي إلا كلمه واحد بس لحد دلوقتي

عطشان من حب حبيبي
وانا كنت في حبي أتيل
محتاجلوا يحبني برضه
دي النظره عليا دليل
أسمعني يا غنوه عمري
غنوايه بلحن جميل
من قلبي و ليلي و سهري
و عيون زي المهابيل
محتاجه للمسه أيدك
ترويها بميه نيل
تسمعها تقول الآهه
تمشيله قرابه ميل
و البوسه تبقي وراها
في لحظه عشق جميل
تداويني الفرحك في عينك
و تفرح قلب عليل
علشانك هنسي الدمعه
وأحاربها جيل ورا جيل
أنشاله أموت نفسي
ولا ألقي ليا سبيل
والبركه في فرحك أنت
و تعيشي لعمر طويل