عن نجيب سرور تاني

لا أعتقد اني سوف أكف يوما عن التحدث عن هذا العبقري الذي لطالما أذهلني و أدهشني و علمني الكثير جدا ... و هذا ليس فقط لأنه شاعر و روائي و مخرج و ممثل و ناقد و لكنه شاعر عظيم و حساس و روائي محترف و ناقد يتقن ما يقول .... و بالنسبه الي أنه كان مخرج و ممثل كمان لكن أنا مشفتوش قبل كده بيمثل او بيخرج و ذلك لظروف خارجه عن إرادتي حيث أنه مات قبل أن أولد بفتره

علمني نجيب سرور اني مهما كنت كويس و جامد و معدي آخر حاجه و شايف نفسي من الآخر يعني لازم هلاقي الأحسن مني ... و هفضل برضو طول عمري حمار

سمعت أن الفنان فتحي سلامه بيحط ادامه دايما صوره حمار ... عشان يفكر نفسه أنه لسا ادامه كتير عشان يتعلم

نجيب سرور بالنسبالي كده ... هو حاجه كل ما اشوفها أفتكر اني حمار و لازم اتعلم و لسا ادامي كتييييييييييييير قوي عشان اقدر اقول علي نفسي لفظ (علي قدي) , عشان أنا لسا حتي مش علي قدي

و فعلا الموضوع ده أحبطني كتير .... يمكن يكون ده السبب اني مش عارف اكتب حاجه لحد دلوقتي
و حتي كمان مش عارف اقرا حاجه لأي حد تاني ... أنا ببقي مبسوط جدا لما أقرا حاجه و أتثبت ادامها ... يعني حاجه تبهرني أو علي الأقل تشدني
و أكيد في حاجات جامده في السوق دلوقتي بس أنا اللي مش عارف أقرا

والله مأساه

أنك تنبهر بحاجه ده شئ كويس لكن الأنبهار الزياده مرض .... و أيوه أنا مريض
بس ده مرض صحي ... لكن لو أستمر أكتر من كده هيجيلي تخلف ده اذا كان مجاليش فعلا

هذه أجزاء من بعض أعماله

يا نابشا قبري حنانك ، ها هنا قلبٌ ينام ،
لا فرق من عامٍ ينامُ وألف عام ،
هذى العظام حصاد أيامي فرفقاً بالعظام .
أنا لست أُحسب بين فرسان الزمان
إن عد فرسان الزمان
لكن قلبي كان دوماً قلب فارس
كره المنافق والجبان
مقدار ما عشق الحقيقة .
----------------------------------------------
ها أنت تقفز للنهاية ،
- هلا حكيت من البداية .
- ولمن أقول ؟ !
- هذى صفوف السنط والصبار تُنصت للحكاية :
- ألها عقول ؟
- ماذا يضيرك .. أَلْقِ ما فى القلب حتى للحجر ،
أو ليس أحفظُ للنقوش من البشر ؟ !
--------------------------------------------

الصمت ليس هنيهةً قبل الكلام ،
الصمت ليس هنيهة بين الكلام ،
الصمت ليس هنيهة بعد الكلام ،
الصمت حرف لايُخَط ولا يقال ..
الصمت يعنى الصمت .. هل يغنى الجحيم سوى الجحيم ؟ !

-----------------------------------------------

انا لتعجزنا الحياة ..
فنلومها .. لا عجزنا ،
ونروح نندب حظنا ،
ونقول : هذا العصر لم يخلق لنا !
- هو عصرنا !
- لكننا لسنا به الفرسان ..
نحن قطيع عميان يفتش فى الفراغ عن البطولة ،
والأرض بالأبطال ملأى حولنا !
-------------------------

-.. صف لي هذا البحرْ !
- يا قبـَّرتي.. أنا لا أُحسـن فن الوصفْ
- وإذن.. كيف تقول الشعر ؟ !
- لست أُعدُّ من الشعراءْ
أنا لا أرسم هذا العالم بل أحياه ْ
أنا لا أنظم إلا حين أكاد أُشــل ْ
ما لم أوجز نفسي في الكلمات

------------------------

هل يمنع سد هذى الموجة ..
من أن ترقص فوق الشط ؟ !
دوما سوف يزول السد
لترقص فوق الشط الكلمة
هذا يا قبرتى سر الكلمة ! !
-----------------------

ديوان لزوم ما يلزم ده قعدت اقرا فيه بتاع سنه مثلا لحد ما كنت بتكلم مع الناس بجمل منه و كان سبب كبير جدا للوش اللي في دماغي ... و خصوصا لما لقيت نجيب سرور بيتكلم في مطلع ديوان لزوم ما يلزم عن دون كيشوت بقيت سعيد سعاده طفل قروي في دريم بارك لأول مره ... انا من عشاق قصه دون كيشوت و شخصيه دون كيشوت نفسها . صحيح انه كان مجنون أو هقول مريض لكنه كان مؤمن بحاجه جدا جدا جدا لدرجه أنه كان مستعد يموت في سبيل الحاجه دي . صحيح برضه ان الحاجه دي كانت أي كلام و مش موجوده غير في دماغه بس انا أحترمت الفكره بصراحه فارس بقي و شجاع و اهبل و عايش في الوهم

مفيد جدا بالنسبه لي أني أسجل الاحداث و الكلام ده حيث أن الذاكره المريضه عاجزه عن حفظ الأفكار حاليا و أعتقد مستقبلا كمان

زهقت ... هبقي أكمل بعدبن

سكتت حتى مسحت دمعا

كان ينام على التفاح
سألت فى صوت الكروان :
- ماذا تلهمك الدقات ؟
قلت وفى عينى طموح للأقمار :
- العالم فوق الشعراء
فليعل الشعر إلى العالم
أو فلنصمت !