سعيد .... سعيد .... سعيد

أنا سعيد
سعيد
سعيد

و روحي ردت من جديد
برغم أني .... محبط
وحيد
مكسور و مجروح
مدبوح
و مبهدل بالجروح
و ذي ما تقول كده....
ناقصاني الروح

نفسي أفضفض... ابوح
أقول
و أعيد
و أزيد
بس شئ كان خارسني
و لساه طابق علي روحي
نفسي اشيله
نفسي اهدم كل حيطه
كل سور
كل شئ أتحكم فيا
كل جرح بكي عينيا
أي حاجه في الدنيا ديا
حسستني أني ضعيف ....
أني عاجز
نفسي أكسر كل حاجز
بس صعب
حاسه صعب...
ولا حتي بألف ايد
بس سعيد
والله سعيد
يمين طلاق تلاته سعيد
و معرفش ليه؟؟؟؟

يمكن عشان المشكله
في حد ذاتها منيله
و مكلكعه و معصلجه و مبهدله
بس أخيرا .... شفتها
عرفتها
مسكتها
قفشتها
و ده في شرعي إنجاز
إنجاز أستاهل عليه
درجه إمتياز
بس سيبك من الحل دلوقتي
ربك يعدلها
و كله بآوانه
بس أفكر في الحوار
و آخد قرار

المهم دلوقتي
اني سعيد
سعيد
سعيد


القاهره
10/10/2008