الستييل

لما يكون عندك سؤال المفروض أنك تحله في 10 دقايق و تحله في الوقت بتاعه تبقي كويس ...... و لو حليته في 5 دقايق تبقي جامد ....... و لو حليته في ربع ساعه تبقي لامأخذه ....غبي .....طب تعمل أيه لو عرفت أني حليته في ساعه و نص ..... :) ربنا يستر السنادي و أطلع بمديتين بس

أمانه يا موج
بوس خشب المراكب
أمانه يا موج
طبطب علي اللي راكب
أمانه يا هوا
تكتب علي الشراع
اللقي قريب من بعد الوداع

أغتصبوا الواد

يا نهار أزرق !!!!! هتكوا عرض الواد...... يا عالم يا رمم يا ولاد الكلب ...... وصلت بيكوا أنكوا تغتصبوا راجل!!!!!!......... مهي عشان بلد وسخه ...... و شعب تايم في الطراوه .... اللي مشغول مع صاحبته و بيفكر يجيبلها أيه في عيد العمال اللي جاي....... و اللي مسحول في الكيف و مزاجه والحشيش و البودره ...... واالي طلعان عين اللي جابوه في ثانويه عامه .....و اللي مش لاقي حاجه يعملها و قاعد عالقهوه عشان يلخص كل مشاكله في كيفيه رمي الزهر اللي بيجيب الدش ....... و اللي دريان باالي بيحصل بس منفض ..... واالي مش دريان بحاجه و عامل مهتم .......واللي واللي و اللي ....... لكن كله كوم و أنهم يهتكوا الأعراض دا كوم تاني ..... حاجه تقرف ...... و مهما قلت و مهما قلنا و لو جريت في الشارع ملط بصرخ و أقول الكلمتين دول ..... محدش برضه هيعبرني و يقولوا عليا مجنون ...... جتكم الأرف

أودع الغروب تتألمي

و في لحظه الوداع تقربي

وفي لحظه اللقي بتبعدي

تتصوري.......

تضيع مني الحروف تكملي

ألف ياما و أشوف تتأملي

و يضيع مني الكلام تكلمي

نرسم شكل الحياه و ترسمي

تتصوري ......

koool .... try it

***You Have a Choleric Temperament***
You are a person of great enthusiasm - easily excited by many things.Unsatisfied by the ordinary, you are reaching for an epic, extraordinary life.You want the best. The best life. The best love. The best reputation.
You posses a sharp and keen intellect. Your mind is your primary weapon.Strong willed, nothing can keep you down. Your energy can break down any wall.You're an instantly passionate person - and this passion gives you an intoxicating power over others.
At your worst, you are a narcissist. Full of yourself and even proud of your faults.Stubborn and opinionated, you know what you think is right. End of discussion.A bit of a misanthrope, you often see others as weak, ignorant, and inferior.
What Temperment Are You?http://www.blogthings.com/whattempermentareyouquiz/

الي شاعر مجهول

الواحد ممكن يكون جامد أوي في حاجه و هوا مبيحبهاش ...... أو مش عارف يحبها ذي الشاعر المجهول اللي كتبتله القصيده العظيمه بتاعته و مأعلنتش شخصيته ... و الغريب أنه لا شاعر ولا حاجه.... دا مجرد واحد أكتشف في ليله أنه نفسه يكتب ..... يخرج مشاعره علي ورق يقرأه ...... راح قاطع ورقه من نص الكشكول و دور علي القلم في الدرج .... و بدأ يكتب و يسجل موقف حصله أو شافه أو حس بيه ..... الله أعلم ..... بس واضح جدا أن لأحساس عالي جدا ....... و الفكره مع أنها مستهلكه جدا لكن المعاجه جديده و الكلام فيها غريب حبتين ..... بس مأضي الغرض و زياده



و في جسدي تسري الرجفه
أنظر اليكي في تلك الوقفه
و أتوه وسط الوديان

تتزاحم الكلمات في عقلي
تتصارع للخروج
تحتجز وراء شفتان منطبقتان
ليكون مصيرها النسيان

ترحلين
و تخرج الكلمات غير مسموعه
تذهبين
و تخرج الكلمات الممنوعه
ليكون مصيرها النسيان

نجم مش ناوي يهمد

عليا الحرنكش ياريس مبارك

فى عصر مزركش ملون بنارك

لابايعك وابايع حكومة حمارك

ملعون ابو اللى يقدر يقاطع قرارك

نهاره مقندل وليله مبارك

فهمبك وهجص وطلع فى ديننا

اكيد هو طالع يشاهد جمالك

جمالك مبارك سوزانك سوزاننا

يامحلا حصارك لمصر اللى جالنا

نسيمها فى عصرك بيشوى فى بدننا

اؤيد وابايع فخامة جلالتك

وايد اى واحد بيمسح ريالتك

ولانك سر باتع هاننسى هبالتك

فاقعد ياريس ودلدل حمامتك

حمامة السلام حمامتك ياريس

سلامة الحمامة وسلامتك ياريس

على تل مصر ياريتك تهيص

خرابه فسيحة عليها تمتيس

واامر تطاع فشعبك مفيص

احمد فؤاد نجم

محصلش حاجه مهمه أنهارده ....... بس ده تاني يوم أبطل فيه سجاير ..... و الدنيا وحشه أوي ...... و وقت أوحش عشان آخد القرار ده ..... انا مسمعتش عن حد يبطل سجاير في وقت الأمتحانات

حلم

الله يخرب بيت الأمتحانات و أيام الأمتحانات و الأحلام في ليله الأمتحانات ....... حد يقدر يفسرلي يعني أيه أشوف كل الدكاتره ماسكين سكاكين و بيجروا ورا الدفعه .... و قال أيه بقي أنا الدكر اللي في الدفعه كلها اللي و قف و لفلهم و بحاول أحوشهم و أضربهم .... لكن الأحساس كان أكني طفل بيحاول يزق الهرم ...... و كانت نتيجه الرجوله و الشهامه في الحلم متختلفش عن الواقع كتير ..... مرمطه و قله قيمه أدام اللي يسوي و اللي ميسواش ...... و صحيت لقيت الساعه لسا 3 الصبح و الأمتحان 9 .... و طبعا مفيش نوم ..... أنا شايف بقي أن كده كفاااااااااااااااااااايه ........ يعني مش كفايه أرفتوني في العيشه كمان في النوم ..... علي رأي محمد السوفييتي ...... ينعن أبو السوفييت يا رب ييتم عياله ويحرق قلبه عليهم

ذاكرناش

يا رب بقي ذهققققققققققققققققققت ....... أمتي آخد الأجازه

و أنفخ الكوره و أنزل بالعجله و دراعات البلاي ستيشن

و اروح ألعب بلي مع أبن البواب ذي تهامي صاحبي .......

علي العموم مش مهم ..... المهم ربنا يسترهاالسنادي بعد أحداث اليوم المفجعه عند الكشك اللي

عالناصيه. . . . .

تمر صورتك أتبسم
الأبتسامه تعذبني
. . .. . . .. . .
علي راحتي معاكي و كأنك أمي
حاسس اني يمامه بتشرب في كفوفك
........
شجر الأحزان مغيم علي عينيا
.....
ويلي مالأشواق
بسهر مشتاق
و أحلم بعيونك و أتصبر
علي كيفك ميل
........
كفايه تخريف بقي

الخرسانه

أمتحان الخرسانة......
مالي خايف خايف خايف. . . . . . .
و حاسس بالخطر
أسترها يا كريم في معركه وحش الري
و مع أشباح الستييل اللي هنحاربهم و أحنا ملط

حمدي كوله(الكوله هي البتاع اللي بتشمها العيال تحت كوبري الملك الصالح)

كل سنه و أنا رايح أمتحن ببقي شايل هم حاجتين ..... الأمتحان طبعا...... و تاني حاجه حمدي كوله ......كل سنه لازم يبقي قاعد حوليا مره قدامي ساعات ورايا علي يميني أو شمالي فوق أو تحت .... المهم انه يبقي حوليا في مجال دايرة قطرها متر . . . . .المشكله بقي عند حمدي بيه أنه بيبقي قاعد جنبي بيتفرج علي الأمتحان و مندهش . . . . تعبيرات وشه اول ما يمسك ورقه الأسئله تموت مالضحك . . . . بحس أكنه طفل صغير بيمتحنوه في أمتحان رياضه بحته معدله للمتميزيين لا هوا فاهم أي حاجه و طول الأمتحان يشتم فيا . . . .طب أنا مالي؟؟؟ و اللي زودها نيله السنادي أن كل اللي حوليا فالطراوة -كأنها مؤامرة- علي يميني الباشا الكبير صلاح زنون و ورايا واحد شكله أكبر من أبويا بتكسف أسأله الصراحه و قدامي رفعت و ده بقي لسا واصل الأرض من يومين .... لسا مش فاهم أيه طبيعة طقوس بني البشر في الحياة ربنا يسترها السنادي و يعديها علي خير

عالنيل

مبسوط .... يمكن الله أعلم .... المهم انه مفيش أي حاجه تعكنن عليا
يا سلام لما الواحد يكون فاضي- أو يعمل نفسه فاضي- و ميعملش اي حاجه . . . . انا جربت الحوار ده انهارده و نفضت كل حاجه -وأنا عندي أمتحان خرسانه بعد بكره- و نزلت النيل مع جعفر -شارع الملك فهد ولا الملك عب عزيز مش فاكر- المهم أننا أكلنا دماغ بعض و صدعنا من بعض و كرهنا اليوم اللي شفنا فيه بعض مع بعض ....... و كانت النتيجه أني رجعت بيتنا مصدع و مزاكرتش حاجه -كالعاده.... بايني بتلكك ولا آيه-مش باين اني هزاكر و أطلع الأول عالسكشن . . . . أنا متشائم جدا و الكلام ليك يا بدوي

توت توت
العيد اهو جاي بزمارة
بيقولك افرح
توت توت . . .
دي الدنيا علينا دوارة
افرحلك يوم ليفوت
طب واخد اية
مالتكشيرة؟؟
و الدنيا بتفرح ساعة العيد
اطلب مالفرح التأشيرة
راح تيجي فوقيها البوسة اكيد
و تلاقي الفرح المستني
عالخد يرعرع و يحني
و الهم يغور ذي الجني
لو تقرا علية النور هيموت
لية سارح مهموم بالدنيا
دي الدنيا زمنها
طلع كداب
يا صديقي الفرح دا حاجة تانية
أفرح صدقني
كفاية عذاب
و أضحك عالدنيا الملهية
جوا أحوالها الحرامية
هتلاقي احزانك منسية
و تصبح يا حزين فالعيد مبسوط
طب واخد أية من دي عيشة
وكابة و أحلام مكبوتة
أشبكها بدبلة و غويشة
دي الدنيا يا صاحبي بنوتة
بتدور عللي هيخطفها
في سماه في العالي يرفرفها
ولا عمرها حد يوقفها
عن حلم بسيط
ذي الكتكوت
العيد اهو جاي بزمارة
بيقولك افرح
توت توت . . .

القاهرة
20\11\2005