ساعات أتوه مره

ألقي القمر هدي

يسقي النسيم شربات

في ليل طويل عدي

مجدي نجيب

يومها

الخروجه فاكاست و الناس زهقت و بدأوا يتسرسبوا علي الباب واحد ورا التاني .... وهي ولا علي بالها أي حاجه .... اللي يشوفها يقول قرفانه من الناس اللي معاها - اللي هم أحنا- و مش طيقاهم و نفسها تروح حالا .... بس الحقيقه أنها هي اللي لمتنا مع بعض في اليوم ده ...و طلبت نروح المكان ده بالذات .... مكنتش أعرف ليه ساعتها لكني عرفت بعدين .... كانت بتيجي هنا كتير زمان مع صاحبها .... كانت دايما تقولي عليه أنه خسر كتير قوي يوم ما سابها
و أنا الصراحه كنت بنفضلها .... أو ساعات بقولها كلمتين من بتوع (معلش) و(بكره يرجع) و هكذا .... لكن يومها كانت عايشه في ملكوت تاني ....صحيح أنها كانت بتتكلم معانا و بتضحك و بتاكل و توشوش صاحبتها ذي أي بنت ..... بس كنت بلمحها سرحانه علي طربيزه معينه و الغريب أن الطربيزه دي فاضيه .... مفيش حد عليها
و أحنا خارجين كنت طالع معاها أتأخرت عني خطوه و وقفت تبص تاني علي الطربيزه أياها بس المرادي طولت حبيتين ..... ناديتلها ..... (مالك بتبصي علي أيه؟) بصتلي و رغاوي الدموع في عينيها بتفكر تنزل .... (مفيش حاجه)
ساعته بس عرفت هوا خسر قد أيه

سيلي

مش عارف أدندن أي حاجه غيرها .... من ساعه ما سمعتها من شهرين و أنا بواجه صعوبه في نسيانها .... الصراحه أنا مش عايز أنساها طبعا ...بس الكتير من أي حاجه وحش
كل لما أكتب حاجه عشان الشباب اللي بيحتاجوا أغاني لزوم (الباندات) لازم تطلع شبهها و علي نفس تفعيلتها .... ببقي بتشقلب علي الورق ذي اللي بينازع ... متعسف آخر مرحله .... كلامها مش راضي يخرج من دماغي ..... صوت منير بيجلجل في عقلي .... لحن منيب بيرن حوليا .... و صوت العود في السولو مش راضي يخرج من ودني
و كل ده كوم واللي نيل الدنيا دا كوم تاني يا معلم ..... كلمات سيد حجاب ... صحيح أنه كلام عادي جدا بس مجسد صوره غريبه مشفتهاش قبل كده ..... يعني أنا دلوقتي مش عارف أسمع حاجه و لا أكتب حاجه و ليه؟؟؟؟ عشان أغنيه .... دا أيه السذاجه دي و مهما قريت لأي واحد بيكتب أنشاله اسلام خليل و مهما سمعت في أغاني أنشاله علي الحجار برضه بترجع الأغنيه دي تتصدر أي حاجه تانيه ..... أنا هتشفلب ليه و أحكي كتير ... ادي الأغنيه اللي وكستني

سيلي

سيلي يا نسمة و ميلي
ع الحبيبة وسلميلي
وارجعيلي
سيلي يا نسمة و قولي
لىام قلب دهب و لولي
عمري ليكي
روحي فيكي
ليكي شوقي
وليكي ميلي
ياابتسامة سمرة نيلي
تسلميلي
يا حبيبتي الحب داري
وانتي نوري وانتي ناري
دا انتي انتي
لما بنتي
في الهوا نورتي ليلي
يا ابتسامة سمرا نيلي
تسلميلي

عيني رأت مولود علي كتف أمه
يصرخ تهنن فيه يصرخ تضمه
يصرخ تقول يا بني ما تنطق كلام
دا اللي ما يتكلمش يا كتر همه

يا طير يا عالي في السما طظ فيك
متفتكرشي ربنا مصطفيك
برضك بتاكل دود و للطين تعود
تمص فيه يا حلو و يمص فيك

Tests Again

Your Observation Skills Get A B-

Your senses are pretty sharp (okay, most of the time) And it takes something big to distract you! How Observant Are You?

Your Luck Quotient: 70%

You have a high luck quotient. More often than not, you've felt very lucky in your life. You may be randomly lucky, but it's probably more than that. Optimistic and open minded, you take advantage of all the luck that comes your way.

How Lucky Are You?

Your Hidden Talent

You have the power to persuade and influence others. You're the type of person who can turn a whole room around. The potential for great leadership is there, as long as you don't abuse it. Always remember, you have a lot more power over people than you might think! What's Your Hidden Talent?

You are 80% Scorpio

How Scorpio Are You?

Your Monster Profile

Lethal Darkness You Feast On: Hot Dogs You Lurk Around In: The Ocean You Especially Like to Torment: British People

What's Your Monster Name?

Elsede3` `s questionnaire

a5eeeeeeeran ana fady .... elfara3` hybda2 yegry wraya .... 3shan kda ana ha3mel el7war bta3 elsede3`
3shan asbet le nafsy eny fe3lan fady :D.....
Questionnaire 4 workless ppl(bdl 2a3detak 3l 2aha etsalah )

out me..ur turn :D

حبيبتي

حبيبتي صورة ملزماني
مع نجمة انا بسهر لياليها
و ضي النجمة يا قمراية
مكسوف ليمر علي عينيها
و أنا ذيه تمام
مكسوف خجلان
لو مرت عيني علي عينيها
يتشقلب حالي كمان و كمان
ايشحال لو سلمت عليها
و حلمت ف ليلة بيكي أنت
ال اية نسيت همي التقيل
و سارح وياكي يا حبيبتي
و متأنججين علي شط النيل
و الدنيا بحالها بتحسدنا
علي فرحة أترسمت في عينينا
و عصافير الدنيا تألدنا
طايرين بيرفرفوا حولينا
و اشوفك أنت يا ضي عيني
أنسي روحي و أنسي همي
و تلقي حبي و نار حنيني
و بنور عينيا تستحمي
و الغصون تداري عنا العيون
و تطل علينا و تسمي
و كل وردة تسيب نسيمها
يطوف حولينا و يمني
و تبقي ليا و أبقي ليكي
و جوا قلبي تتهني
و في لحظة الدنيا ندهتني
و ضاعت أحلامي في عينيا
و خبطني تهامي و فوقني
من جنة رسمتها حوليا
علشان هيروح علي بيتهم
و أهو قايم بيسلم عليا
و قالي مالك يابو مودي
شاكلك هتتف عليا
القاهرة
19\1\2006

تهامي المذكور أعلاه هوا واحد صاحبي ..... من الرجاله التمام يعني اللي بيعشقوا علي الحجار أقصدي الرزاله بأنواعها

ناس

فعلا الناس اللي بتحبك مبتظهرش غير في الأزمات و البلاوي ..... أو في أسعد أيام حياتك و غالبا بيكونوا هما أسعد أيام حياتك منغير ما يقصدواو منغير أنت ما تعرف ..... أنا لسا فاكر هشام لما كان جاله أكتآب ومكنش طايق حد يكلمه حتي أحنا!!!!
و لولا وقفه فاروق معاه و الصراحه هوا اللي لمنا كلنا .... و عملواعيد ميلاد في كافيه في الزمالك (surprise party)
فعلا لولا كده كان مات زهقان .... الفكره مش في عيد ميلاده ولا عيد ميلاد صاحبته حتي ولا عيد تحرير سينا الفكره أن في عز أكتآبك و مشاكلك و أزمتك تلاقي كل أصحابك و أي واحد بتحبه واقف معاك ..... ساعتها يبقي طظ في كل حاجه تانيه.....
أنا فاكر يومها و أحنا مروحين كان في حد قالي : تصدق ياد يا مودي ..... كل لما أفتكر شكل هشام أمبارح في القهوه و هو بيشرب كبايه الشاي و منكوش و أفتكره دلوقتي و أحنا بنطفي الشمع و كل الناس دي حوليه ... فعلا بحسده

حب في أغسطس

د/ أحمد خالد توفيق مش ناوي يبطل فلسفه في رواياته ..... أول أمبارح ألبت واحد صاحبي في أحدي قصص فانتازيا و هي حب في أغسطس
و الصراحه كان فيها كام جمله جامدين قوي

_ القنبله قد تحرق خلاياك لكنها لن تحرق روحك أبدا... !!!! هذا هو ما تعلمناه الآن

_ لقد جائت القنبله لتسلبنا حياه من حقنا..... كنا في عمر الأزهار حين تحولنا إلي معوقين

اليوم سأخبركم عن أجمل شيء في العالم
ما هو يا متشيكو؟؟؟
خمنوا
قالت طفله حسناء دقيقه:
الأرانب البيضاء
لا..... هناك ما هو أجمل
قال طفل ملظلظ:
اطباق الأرز
لا...
إذن ما هو يا متشيكو؟؟
قالت و هي تنظر للعالم حيث بدا من النافذه:
إنه.... إنه السلام

_ اليابانيون أسعد حظا لأنهم خسروا الحرب..... فالنصر في ميدان كهذا هو درس قاس... أينشتاين

_ أنت تعرفين أن أكثر من صنعوا القنبله الذريه علماء يهود ... كنا نكره هتلر كالطاعون و في هذه النقطه أتفقنا مع الحكومه الأمريكيه , فلما مات كان علينا العمل لأثبات الولاء لأمريكا
حتي ولو علي حساب قتل أطفال المدارس....

خدنا أجازه

خدنا أجازاااااااا
خدنا أجازه
خدنا أجازه
و الاجازاااااااات أيام ممتازه
خدنا أجازه
بتفسحنا و تريحنا
و تريحنا
و تريحنا
و تريحنا
و تريحنا
و تريحنا

متهيألي كده كفايه ..... اللي عايز أقوله وصل


كل سنه كنت بقعد أفكر هعمل آيه في الأجازه ...... يا تري هسافر؟؟؟؟
هتدرب؟؟؟
هاخد كورسات؟؟؟؟
عقعد عالقهوتي العظيمه (السلام كافيه)؟؟؟؟
هنام؟؟؟؟
هبطل سجاير؟؟؟؟
هأضيها في المنطقه؟؟؟؟
هارجع التمرين؟؟؟؟
هأضيها أكل أدام التليفزيون و آخر الأجازه تطلعلي الزلومه و ربنا يكرمني و أبقي فيل؟؟؟
و لا هتبقي شغل و أبيع الأغنيه لعمرو و أصاحب نانسي؟؟؟؟؟؟؟
ولا هتمرد علي حكم أبويا للبيت و أعيش لاجيء في الشوارع؟؟؟؟
ولا هتجنن رسمي و يحجزولي في الهيلتون؟؟؟؟؟
و الله معرفش؟؟؟؟
بس اللي عارفه كويس أني أخيرا هعرف معني الراحه
معني أني ميبقاش ورايا حاجه
بالعربي مفكرش تاني

فقرات من أغاني أيام الأمتحانات

أيام الأمتحانات قربت تخلص كلها أسبوع وأنفخ الكوره بقي و أنزل ألعب مع العيال
وخلال الشهرين اللي فاتوا -مده الأمتحانات- لعب منير الدنيئه معايا و فضل ملازمني يغنيلي و أنا بذاكر ...... الفكره أني بموت في منير بس متأكد أن الكتير منه وحش ..... و بنصح مستمعي محمد منير أنهم يبطلوا يسمعوه خالص لمده أسبوع مثلا ..... هيستريحوا كتير و بعد كده هتلاقي منير يعود بقوه
كل لمل أسمع حاجه و أنا بذاكر بحس بالبؤس و الشقاء مش عارف ليه يعني سمعت غريبه وراها أمانه يا بحر وراهم يا عذاب نفسي وراهم قول للغريب بعدين في عينيكي يعني أسمع معايا....

و فجأه أكون
ذي الجنون
جوا العيون
ملهش لون
ملهش كون
و أنطفي في الحال
منغير سؤال

شعرك خيوط جمر المسا
طب ليه في حبك بتنسي
أتكلمي ولا ناديني
صمتك كلام بيدفيني
أنت أنا و بكره ليا
و ليكي
في عينيكي

غيرت ياما كتير أحوالي
و أنا كنت عاشق و كان يحلالي
أحب بس يكون حلالي
ورا الشبابيك
دي عينيك شبابيك

سؤال
أسألك أيه أخره الأحزان
دمعتي واخداني
والحنين قتال

مستسلم راضي بطبعي
عصفور في الحلم ما سابني
محتار علي شط شفايفك
دا عطور الكون من وردك
رشيها نسيني مين أنا
يا غزالي يا حلالي
في عيونك حلمي أنا

أمانه يا موج
بوس خشب المراكب

و مطلوب مني بعد كل ده أذاكر ..... و آل ايه أنجح!!!!!

الله يرحمها

بمناسبه أني كنت بمارس هوايه قديمه اليومين اللي فاتوا ...... و هي الكآبه و صب الهم علي خلق الله ...... و دا ميمنعش طبعا تعليقات سخيفه- و أنا عارف أنها سخيفه - أزين بيها شويه بلوجات .... و كلام بقله أدب مع ناس مندهشه معملتش حاجه الا سؤالها عالأمتحان .....
و شويه ضرب للمسكين حامد بعد الأمتحانات ......مع تركيب وش كلب بلدي جربان مضروب بالنار متعلق علي حيطه مايله مكسوره واكلاها الرطوبه بمسمار مصدي معووج علي وشي لزوم التعامل مع بعض الناس...... بأختصار هو تقمص دور السئيل أو السدغ -مع الأعتذار طبعا للسدغ الكبير علي الحجار ......
المهم يعني أني مكنتش ناقص أن الذاكره اللي بتنسي أحداث أمبارح بسرعه عجيبه ذي ما بتنسي المذاكره تفتكر حاجه حصلت من خمستاشر أو ستاشر سنه .... و كل ده بسبب (بلوج كلمتين) و حدوته طنط سعاد ..... المهم يعني حصل اللي حصل و كان اللي كان و أفتكرت شيماء -الله يرحمها - و دي كانت صاحبتي ونا عندي ست سنين ..... أيام لما كانت أقصي سعادتي أني أنزل بالعجله في الشارع و أحط الكبايه علي الكاوتشه الورانيه .....
لسا لحد أنهارده فاكر لما كنا بنتخانق ميين اللي عنده عجله أحلي من التاني و طلعت عجاتها أحلي مني رحت شاتمها بعنف : أنا عجلتي أحلي يا تفه يا حماره ...... راحت ضرباني رحت ضاربها
جم أصحابي ..... و جم أصحابها و بقت حرب في مدخل العماره بتاعتها ..... و طبعا احنا كنا أقوي منهم ضربناهم و تفينا عليهم و أخدنا العجل بتاعنا و مشينا في الشارع ولا اللي فتحوا عكا
و دي كانت أخر مره نشوفها ...... حصل بعديها بفتره مش فاكر أد ايه تقريبا أسبوع ولا شهر
أنها ماتت .... و اللي يضايق أنها ماتت مقتوله في الجنينه .... مين ممكن يقتل طفله عمرها ست سنين؟؟؟؟ ... هي صحيح كانت رزله بس ده مش سبب منطقي أنك تقتل حد .... و بعدين علي الحجار لسا عايش و بيغني كمان......
أما أحنا بقي اللي كنا بنفكر فيه أن الجنينه بقت مسكونه و أن روحها هتفضل فيها
هتفضل تلعب لوحدها و مش عايزا حد يضايقها ..... ذي ما طنط عزه اللي ساكنه فوق الجنينه قالتلنا ......
الكلمتين اللي جايين دول -الصراحه- مش ليها بس لموقف مشابه

ظهرت في ليله و جوا خيالي أترسمت
و كانت عيونها آيه في الحزن أنشهدت
غابت عني سنين .. سألت عنها صاحب
قالي بني أحلامك تحت التراب أندفنت
الله يرحمها

من ذكريات بطوله الأمم الأفريقيه

في الأستاد
الأول : هوا اللعيب اللي أسمه (أبو ركبه ) .... تعرفوا؟؟؟
الثاني: طبعا ..... دا لعيب جامد قوي
الأول: طب متعرفش دا بيلعب فين؟؟؟؟
الثاني: تقريبا في ساحل العاج
الأول (نظره غباوه و محاوله عسيره للفهم): طب بقولك .... هي ساحل العاج دي دوله عربيه؟؟؟
التاني(أتنرفز): طبعا يا غبي ...... مش موجوده في أفريقيا

**************

من الهتافات اللي حرقت دمي بجد

( هيلا هيلا و هيلا هيلا هوووووه ..... منتخبنا مفيش زيوووووه)
الشباب مرتادي الأستاد قبل البطوله فاهمين قصدي كويس


**************

الحضري في لقاء صحفي
( الحمد لله يا كابطن أخدنااااا النهارده التلاته بنط ...... و الحمد لله يعنيييي الحمد لله
و بقول مبروك لمصر الماتش .... و الحمد لله يعنيييييي .... كنا جيين نفرح الجامهور مع أن الكوره إلشت من علي رجل اللعيبي ..... بس الحمد لله يا كابطن)


واحده معديه بالصدفه : حضري ي ي ي ي ي حضري ي ي ي ي ي ي
بنحبك هووه هوووه يا حضري هووه هووه

تقريبا مكنتش سامعاه و هوا بيتكلم - و الصراحه انا كنت متعكنن .... أصلها جامده قويييي

****************

أقرا و أنت ساكت ........ دا تقريبا أختبار

افتح أقرب كتاب اليك , على الصفحة 18 , سطر 4

دورا آخر علي جانب كبير من الأهميه و من بين هؤلاء صلاح جاهين

مد ذراعك اليسرى قدر ماتستطيع

لأمتي؟؟؟

ما اّخر ماشاهدته على التلفزيون

خلي الدماغ صاحي

بدون أن تسترق النظر , تكهن كم الساعة

خمسه و ربع الفجر

والاّن ..كم الساعة فعلا

خمسه و تلت

باستثناء صوت الكمبيوتر .. أي صوت تسمع؟

الكرسي اللي قاعد عليه بيزيأ حبيتين

متى خرجت من المنزل للمرة الأخيرة ؟ ماذا كنت تفعل؟

أمبارح .... اللي هوا كان من ساعتين...... كنت عالقهوه مع تهامي و هشام و سمير و جعفر و سفاح و زوربا و فاروق

قبل مباشرتك هذه الأسئلة أي موقع كنت تتصفح؟

بلوج بتاع ELsede3`

ماذا ترتدي الاّن؟

مالك؟؟؟؟؟؟قصدك ايه بالظبط

هل حلمت ليلة أمس؟

لأ ..... مكنتش فاضي

متى اّخر مرة ضحكت؟

بقولك كنت عالقهوه مع هشام و زوربا ...... دنا كان هيجيلي تربنه في دماغي من الضحك

ماذا فوق جدران الغرفة حيث تجلس؟

ناس نايمه

هل لاحظت شيئا غريبا مؤخرا؟

أني بقيت أنام أخيرا

مارأيك في هذا الاختبار؟

ممل

مااّخر فيلم شاهدته؟

انا مش قايلك من شويه؟؟؟؟؟

اذا أصبحت فاحش الثراء فماذا تشتري؟

جزينتين ...... و لنشات عشان أبقي أروح عل الجزينه اللي مش طايئها أتف عليها و أنجع تاني

أخبرني شيئا أجهله عنك

أسمي محمد

اذا كان بامكانك تغيير شيء واحد في العالم بغض النظر عن المعاصي و السياسه فماذا تختار؟؟؟؟

ألغي علي الحجار من قاموس الدنيا

لو كان وليدك الأول فتاة فماذا تسميها؟

غالبا نيفين

لو كان وليدك الأول صبيا فماذا تسميه؟

هسميه ذي أبن أيمن صبري ........ الجامد

هل تفكر يوما في العيش بالخارج؟

هوا فين الخارج ده

ماذا تتصور أن يقول لك الله عندما تقف بين يديه ؟

no comment

دلقتي بقي دور

ELsede3`

جزء من دون كيشوت

جزء من قصيده دون كيشوت للشاعر - مأظنش أن أسمه مهم

قالوا عليا الناس مجنون
مساكين . . . مهم مشافوش
طواحين كل القرية بحالها
بيتحولوا لوحوش
طواحين أهالينا بخيرها
كل الناس عايشين
و بيطحنوا قمحنا فيها
و عشتوا يا فلاحين
لما طاحونة فلاح تبقي
وحش بيجري وراة
تبقي دي كارثة في كل العالم
و أشهدوا يا ولداة
و مهما حاربت
و مهما بحارب
عمري لابد يفوت
لكن لازم تصحي القرية
قبل الناس ما تموت

جزء من تخاريف

آخر فقرات من قصيده تخاريف للشاعر -مش مهم أسمه

-هاتف-
الدنيا أوضه ضلمة للأنتظار
فيها أبن آدم ذية ذي الفار
و لا ذي الحمار؟؟؟؟
دا مش وقت هزار
رسيني علي مرسي الكلام
قوام!!!
أنا أصلي حاير من سنين
و نفسي أنام
سهري طال
و أخاف يصبح محال
أنام تاني!!!
عل عموم يا ضرير
مش هناخد و ندي كتير
صدعت من كتر التحوير
و التدوير
كفايه. . . .
هريح دماغي و أرقد عالرصيف
أطلع أكلي

و أغمس بالرغيف
و أنسي نصيب أنهاردة مالتخاريف

ليكي

معرفش ايه فكرني بيها؟؟؟؟؟؟؟؟؟؟؟ ........ يمكن الايام السودا اللي بيعدوا مع الامتحانات؟؟؟

يمكن محتاجلها هيا بالذات جنبي ......... يمكن وحشتني روح ضاعت....... كانت هيا لمبه الجاز في آخر الطرقات المظلمه

كنت كل لما أقع بتشدني .........

و من كلمه بتهزني

اكيد دي مش أول مره أفتكرها - بصراحه-و توحشني ايامها بشكل ده ..... اكيد حصل الكلام ده كتير بعد أول سنه أو ممكن بعد التانيه ...... أو التالته أو الرابعه ..... مش فاكر

المهم اني في كل مره بفتكرها بآخر صوره شفتها فيها...... أبتسامه و كلمه باي باي و مشيت بالتاكسي اللي أنا ركبتها فيه....... مفيش فايده من اي حاجه دلوقتي ولا حتي التفكير هافضل مفتكرها لأمتي يعني؟؟؟؟ بتاع 10 أو 15 سنه كمان ..... و بعدها أكيد هنسي أو مش هبقي فاضي أو يمكن أكون ساعتها ميت ......... أحتمال برضه

أنا فاكر السنه اللي فاتت في الأيام دي برضه كتبت شويه كلام لوجاريتمات و مصفوفات و و حاجات محدش يفهمها غيري و كل لما حد يسمعها -أكيد- مكنش بيفهم حاجه

أنا عارف أن عمرك ما هتشوفي الكلمتين دول ولا تسمعيهم حتي لو رجل الشارع في بلاد الواء واء حفظهم من كتر ما سمعهم ....... بس أنا عايزك تعرفي أن الكلام ده كله ليكي

قلبي حبك أنت
قبل وداع الغروب
عشانك يا حبيبتي
بيفضل الهروب
آخرة طريقي حطان
عالية و طويلة عليا
و خايف عليكي يا سمرة يكون عذابك فيا

علي الحجار

هوا صحيح أرزل خلق الله

و سدغ ..و سمج ...... و هوا المطرب الوحيد اللي تفوق علي محمد ثروت في الرزاله( أنظر الصوره

لكنه من احسن الأصوات اللي ممكن تسمعها في حياتك ....... و سمعت انه احسن صوت في الشرق الأوسط منذ 1991 حتي الآن

أنا مش متأكد من المعلومه دي الصراحه عشان مصدرها هوا القهوه....... ما علينا...... المهم أني مش بكره علي الحجار بل بالعكس أنا بحب أغانيه القديمه ...... مش كلها طبعا...... فيه حاجات رزله ذيه .... لكن معظم الأغاني جامده لكن أنا بكره الرزاله اللي فيه و تقل دمه أنا عمري ما لقيت واحد أغتت من محمد الحلو و هاني شاكر و محمود ياسين و عزت العلايلي و سعد أردش و سميحه أيوب و هادي الجيار و أتحدي تلاقي حد أرزل من دول في تاريخ السينما المصريه

الفكره دلوقتي أنه لسا رزل بس بقي يغني أي كلام...... بقي يغني لليمام و الغزال و الريش و الزين و الزينه واللي نيلها بنيلا أنه بيخلي مصطفي قمر يعمله لحن....... أزاي؟؟؟؟؟ بقي من بعد سيد مكاوي -رحمه الله- مرورا ب ياسر عبد الرحمن يشتغل مع مصطفي قمر

بص يا حجار يا تبطل تقلش يا تعتزل بكرامتك

الناس اللي في السابع

اول يوم أقتنع بأن في حاجه أسمها نحس و حظ و أتشائم من حاجه بعد ما كنت مبصدقش الكلام ده معتبره خرافات......... لكن اللي حصل أنهارده مش طبيعي أبدا....... كان المفروض أن النهارده هو أول أيام مذاكره ماده النقل و المرور -مش عايز تريقه- و فعلا ذاكرت جزء ظريف منها بس المشكله مش في الماده و غتاتتها ولا البشمهندس السبكي اللي بيشرحها- و ده راجل أرزل من علي الحجار- لكن كل المشكله أنه مفييييييييييييش وقت أذاكر كل المنهج ده ......... لاحظت أن الناس اللي في السابع بينقلوا (العفش )بتاعهم بالونش عشان هيسكنوا خلاص ....... أنا مالي ... قلت خش ذاكر يا واد ولا ناملك شويه تصحي فايق ...........

الساعه بقت سابعه ...... سامع دوشه بره صحيت من النوم لقيت المروحه مأفوله و أنا سايح و بتحول الي شويه ميه ....... و لسا طالع أتخانق مع اللي عمل العمله دي أكتشفت أن الكهربا أنفطعت ....... ألعب .........و دي الكارثه الأولي ........ شويه و شميت ريحه حريقه أو شيلط ....... و عمو مصطفي اللي في العاشر بيخبط عالباب و مفذوع ...... (الريحه دي عندكوا يا حماده؟؟؟؟؟) يطلع الحوار أن واحد في الدور التاني ولع شمعه و نام و حبه نار مسكت في ورق -معرفش أزاي- قامت مولعه و لولا ستر ربنا كان زماني بتسلق دلوفتي و مش فاضي حتي أكتب الكلام ده ........

الساعه تلاته الفجر .... بفتح عيني لقيت النور منور قلت الحمد لله هزاكر و أنجح و أطلع الأول كمان ... بس لازم الأول آجد دش عشان الساونا اللي كنت فيها ...... و لسا بفتح الصنبور-الحنفيه يعني- ملقيتش ميه ولا حتي نقطه ...... أحساسي كان عظيم ساعتها و اللي أكد لي أن الناس اللي في السابع دول ناس نحس و فقر عامل الونش العطلان اللي قاعد ل تلاته الفجر يصلح فيه و يدعي عليهم

لكل من حب البلد دي

سكه ومحسوبه علينانمشيهاجيل ورا جيل

ع الشوك نفرد خطاوينافي الليل تضوي القناديل

حوالينا قلوب حبابه

ومعانا العقل دليل

والشمس تصب صبابه

والمنبع نهر النيل

وان لاموا علينا يلوموا

ما لهمش علينا سبيل

ما هو شوك العشق ملامه

والشوك في الورد أصيل

نائصاك أصلها

لو أنِّي أعرفُ خاتمتي
ما كنتُ بَدأت...

عم نزار قباني - رحمه الله- متفائل حبيتين

علي أيه ؟؟؟؟؟؟؟؟؟

معرفش!!!!

حران

ايه الجو ده ..... و أيه الماده دي؟؟؟؟
وأيه اللي ماشي عالحيطه ده؟؟؟
و فين القلم؟؟؟
ولا أنا رميت البيجاما فين؟؟؟؟
طظ ... عني ما لقيتها مفيش أحلي من الحريه
لو الواحد ينفع يقلع جلده كمان!!!!!!

who r ya

What Famous Leader Are You?
personality tests by similarminds.com

قولتلوا تيجي نلعب شخشخانه في البلكونه .....
قالي يعني ايه بلكونه؟؟؟؟؟

جاهينيات

إقلع غماك يا تور وارفض تلف

اكسر تروس الساقية واشتم وتف

قال بس خطوة كمان .. وخطوة كمان .

.يا اوصل نهاية السكة يا البير يجف

عجبي!!

هندسه عين شمس

الأب يقرأ الجورنان في صمت ..... معالم الأهتمام واضحه علي ملامحه...
صوت من اخر الشقه يقترب :بابا بابا بابا
يخطلت بصوت وقع أقدام صغيره مسرعه علي الأرض
يلتفت الأب الي مصدر الصوت فيري حماده أبنه الصغير
قد وصل إليه ..... يترك الجورنان من يديه و يسأله مسرعا و قد أمتزجت معالم الأهتمام علي وجهه بمعالم الخوف و التوتر ....
الأب : في أيه يا حماده .... ماما تعبانه؟؟؟؟
حماده(بينهج): ماما ذي البمب يا بابا
ألأب : أمال أيه .... أختك أكلت المشابك تاني؟؟؟؟
حماده(بينهج أقل):لأ يا بابا بابا ...... دي عند طنط زوزه بتلعب مع مريم و داليا
الأب(متعجبا): أمال أنت كسرت أيه؟؟؟؟
حماده : مكسرتش حاجه والله حتي أسأل
الأب (يصرخ في وش الواد): أمال في أيه يا ابن العبيطه؟؟؟؟
حماده: ولا حاجه يا بابا ....... أنا بس كنت عايز أقولك أني عايز أطلع راجل يا بابا
الأب ( أنشكح من الواد و أنجعص في الأعده ): يبقي لازم تدخل هندسه عين شمس ذي باباك ..... و تبقي مهندس كبير قد الدنيا و نتفشخر بيك أنا و مامتك أقدام اللي يسوي و اللي ميسواش
أفتح بقي التليفزيون لما أوريك الأعلان بتاعها .....
يجري حماده علي التليفزيون و يفتح المحطه و للحظ السعيد الأعلان لسا بيبدأ
مذيع : عايز أبنك يبقي راجل ( يرد صوت جهوري أجش قادم من بعيد): هندسه عين شمس
المذيع: يبقي الباشمهندس ( يرد نفس الصوت) هندسه عين شمس
المذيع: تتفشخر بيه قدام أصحابك
هندسه عين شمس
يحققلك أحلامك
هندسه عين شمس
يعرف معني المعاناه
هندسه عين شمس
يعرف يعني أيه حرمان
هندسه عين شمس
ينسي يعني أيه نسوان
هندسه عين شمس
ينسي يعني أيه اعياد
هندسه عين شمس
يعرف معني المواصلات
هندسه عين شمس
يتنشل في الأوتوبيسات
هندسه عين شمس
يأتب من الرسم
هندسه عين شمس
يتعمي من نقل الشيتات
هندسه عين شمس
يشوف الذل قدامه كل يوم
هندسه عين شمس
عايزه مينمش الصبح
هندسه عين شمس
ولا حتي بليل
هندسه عين شمس
تحب مينمش أصلا؟؟؟؟
هندسه عين شمس
و يلعن اليوم اللي شافك فيه
هندسه عين شمس
هندسه عين شمس تضمن لكم الحصول علي شهاده بكالوريوس الهندسه و كارنيه نقابه المهندسين
مع شهاده معتمده من السرايه الصفرا