عودون احمق

انا جيت تاني يا كلاب

معرفش ليه, ولا عارف اذا كنت هكمل ولا لأ

بس ادينى جيت

و البقيه تأتي

ايه الأرف ده

هي الناس ليه كلها فجاه بقت مأرفه

و لا هم اللي مأرفين اصلا و أنا كنت في الطراوه مش هارش ايه اللي بيجري



ليه الناس أتجننوا



و لا انا ليه مش مستوعب اللي بيحصل ده

يعني ايه في الفتره القليله دي كل ده يحصل


حرااااااااااااااااااام عليكوا


أنا صاحب عيا



الجلطه مش بتيجي من فرااااااااااااااااغ يا كلاب

هي الناس بتتشل من شويه؟؟؟؟؟

عوده

في وسط صوري الممزقه
بعض الصور المحرقه
منذ أيام البطوله

لكم كرهت تلك الأيام
كما كرهت التصوير
ذلك الشخص في الصور
ليس أنا
رحمه الله منذ أعوام
فلقصر الكلام
لا أتمني أن أعيد الكره

ليه يابني كده

صديقي العزيز :"أنت ليه مش عايز تنشر الحاجات دي ؟؟؟؟ دي حلوه قوي

أنا :"معرفش

صديقي العزيز :"يا بني شوف جرنان ولا مجله ولا اي حاجه تنشرلك الكلام ده

أنا :"مش عارف

صديقي العزيز :"طب جرب تنشرهم في كتاب

أنا :"معرفش

صديقي العزيز :"طب انت عابز منهم ايه

أنا :"مش عارف

صديقي العزيز :"اي واحد بيحتاج انه يشارك افكاره مع الناس , دي طبيعه بشريه يعني
ولا انت مش عايز حد يقراهم ؟؟؟

أنا :"معرفش

صديقي العزيز :"طب انت مكتفي انك تقول اني كنت بكتب كويس ؟؟؟

أنا :"مش عارف

صديقي العزيز :"طب انت اهبل ؟؟؟

أنا :"غالبا

أوقفني

يكفيني ما وصلت اليه من صعود هذا الجبل ..... لا أري قمته ولا أعرف متي ينتهي
لا أملك غير يداي فقط

و لم أملك يوما سواهما
كنت أستخدمهما للصعود و التسلق
و الآن فقط أبحث فعلا علي من يقطع يداي

سافرناش؟؟؟؟

أنا مش طالب كتير و لا باحور في حوارات فاكسانه .... بس الحوار و ما فيه أني قرفت و زهقت و جبت أخري خلاص ... عادي .. بتحصل كتييييييييييييييييييييير قوي و بالذات معايا أنا الكائن الزهقان بالفطره

انا عايز أسافر .... و الله نفسي أسافر في اي داهيه , أي مصيبه يكون فيها بحر و مش هتبطر علي جمصه و لا علي مصيف بالطيم إنشاله حتي أنزل أسكندريه ساعه أشرب إزازه ببس من الكشك اللي قدام المكتبه و يرجعوني بيتنا

الموضوع مش كبير ولا نيله ولا محتاج فلسفه و تحليل و هئ و مئ .... لأ خالص ... أنا شاب صايع زهقان و عايز أتنيل علي أي هبابه فيها بحر .... مش صعبه يعني؟؟؟؟

مفيش مشكله .... صح؟؟؟.

لأ طبعا فيه مشكله , و مشكله بنت ستين في سبعين كمان ... أنا مش لاقي حد يسافر معايا , الشباب كلها مفخده ولا الوليه الحامل
اللي يقولي اصل الشغل مش نافع و اللي يقولي عيان و اللي يقولي مش فاضي و اللي يقولي رموشي بتنأح عليا و اللي لون مؤخرته أتغير و كلام فعلا يشل

الترب دلوقتي أني لازم أسافر , و أكيد مش هتنيل اسافر لوحدي فرجاء إلي ذوي القلوب الرحيمه اللي رايحين أي داهيه فيها بحر , ينوبكوا ثواب .... خدوني معاكوا

نفض التراب

نفضت التراب اللي علي البلوج و( أستفتحنا) بالسنه الجديده بقي ... أنا آخر مره كنت هنا من نوفمبر اللي فات - و مش عارف ليه حاسس أني مش هعمر كتير هنا- وقت كتير قوي فعلا و تقريبا ده أكتر وقت من 5 سنين ماكتبش فيه حاجه جديده .... منا برضه يعني أعمل أيه مفيش وقت و مفيش نفس و مفيش افكار و مفيش جديد خاااااااااااااااااااااااااااالص ..... الكليه مطلعه عيني و الفيلم اللي المفروض أني بكتبه دلوقتي مضيع وقتي برضه دا غير طبعا ألبوم(صباحه) اللي مش بفكر غير فيه.دا غير الملل المسيطر علي (سكاديوال) اليوم و أمبارح و بكره و بعده و بعده و بعده ........ الخ

كل الحاجات دي كفيله بأكتآب ظريف يكفي لمرمطه معنوياتي .

بس أرجع و أقول خلاص الحاله أتعدلت و بقت مانجه و الله و الصراحه يعني أنا أكتابت كتير و بقي الموضوع ممل...... ممل لدرجه تدعو للاكتآب ( أدور في حلقه مفرغه.... أكتآب من الملل و ملل م الأكتآب يدعو للاكتآب)


عملت أغنيه في ( صباحه) بس الحمد لله معجبتش حد و أضطريت أني أغيرها و أعمل غيرها و بصراحه أنا مكتم حبه علي حوار (صباحه)
بس مفيش مانع أكتب الأغنيه المنكوبه .... ملهاش لازمه عندي

و للعلم يعني ..... الأغنيه بتتكلم عن واحد (مصطبح) أو (متكيف) شارب حاجه يعني



يا هل تري
ماذا جري
مالي أري؟
الدنيا حته سكره
و الليلة حلوه منوره
من بعد قعده مشبره

مسلطنا مبهججا
و ماشيا مطوح
و حاسسا بفرحتي
كعيل ممرجح

يا أهلنا ....
يا من عصور ذواهب
من منكم كان في الغرزه راهب
يطير دوما فوق كل سحائب
مقدار ميل أو لبعد كوكب

مكيفا قديما للجدود راغب
قول طظ للهموم و كل يأس
إذ رب البيت بالدفوف ضارب
فشيمه أهل البيت الرقص

كلام في دماغي

يا طبيب الجرح معزبني
و الحزن مطلع أيماني
و السكه خطاها متوهني
مش عارف ناقص ايه تاني
أوصفلي الوصفه المضمونه والنبي يا طبيب

أنا
_________________

يا نابشا قبرى حنانك ، ها هنا قلبٌ ينام ،

لا فرق من عامٍ ينامُ وألف عام ،

هذى العظام حصاد أيامى فرفقاً بالعظام .

أنا لست أُحسب بين فرسان الزمان

إن عد فرسان الزمان

لكن قلبى كان دوماً قلب فارس
أكره المنافق والجبان
نجيب سرور
_______________

هما الفيللا والعربيه

والنساوين المتنقيه

حيوانات استهلاكيه

شغلتهم حشو المصارين

حزر فزر شغل مخك

شوف مين فينا بياكل مين

أحمد فؤاد نجم
______________

أنا لا أرسم هذا العالم بل أحياه

أنا لا أنظم إلا حين أكاد أشل

نجيب سرور
_____________

قلبي حبك أنت قبل وداع الغروب
عشانك يا حبيبتي بيفضل الهروب

آخره طريقي حطان عاليه و طويله عليا
و أخاف عليكي يا سمره يكون عذابك فيا

أنا
___________

أنا بعت الدموع و العمر
طرحت جنايني في الربيع الصبر
و قلت انا عاشق
سقوني كتير المر

مجدي نجيب
___________

و غني يابني و علي صوتك
أياك كلامك يكون سكوتك

أنا

__________

بيقولوا ليه في بلدنا حال ماليأس بيه

الليل دا طال ... دمعي مداريه

حمول همومها القلب شال

و عشان عيونها الدمع سال

فبل القمر ما يمر ... و الليل سكون

و لمين يكون الشعر لو مش ليها يكون

و لمين يهون العمر لو مش ليها يهون

محمد حامد

__________